Մեր ճանապարհի սկզբից ևեթ ձևակերպել ենք բիզնեսի վարման մի քանի սկզբունք, որոնց աշխատում ենք հավատարիմ մնալ` հաճախորդի խնդրի վրա կենտրոնացում, պրոֆեսիոնալիզմ, ազնվություն, քաղաքակիրթ ու բարեխիղճ մոտեցում: Հավատարիմ մնալով մեր սկզբունքներին՝ մեզ հնարավորություն տրվեց վստահորեն  առաջ քայլել և առաջարկվող ծառայությունների որակի մակարդակով դառնալ անշարժ գույքի շուկայի առաջատարը Տավուշի մարզում: Կան արդյունքներ, որոնք ոչ պակաս կարևոր են, քան ֆինանսական ցուցանիշները` երկարատև և արդյունավետ աշխատանքի ընթացքում ձեռք բերված գիտելիքն ու փորձը, ինչպես նաև մեծաթիվ հաճախորդների կողմից ցուցաբերված վստահությունն ու հարգանքը:

Հաճախորդների կամ գործնկերների կողմից առաջադրված խնդիրները լուծելիս մենք հանձն ենք առնում նրանց հաջողության ու բարեկեցության՝ կոմֆորտի հասնելու պատասխանատվության զգալի մասը: Բնակելի անշարժ գույք, բնակարան կամ առանձնատուն ընտրելիս մենք մտածում ենք ընտանիքի հաջողության, օջախի մասին: Հասարակական, արտադրական կամ առևտրային անշարժ գույք ընտրելիս մենք հոգ ենք տանում ներդրումների արդյունավետության մասին: Կիսելով ընդհանուր պատասխանատվությունը՝ մենք երաշխավորում ենք դրական արդյունքի ստացումը: Մեր խորհուրդերը միայն կօգնեն բազմապատկել ձեր կապիտալը: Մեր առաքելությունը մեկն է` անշարժ գույքը դնել ի բարօրություն մարդկանց:

Մենք երբևիցե չենք ձգտել ժամանակից առաջ ընկնել, սակայն այնտեղ, որտեղ տեսնում ենք առաջընթաց, աշխատում ենք քայլ առաջ անցնել, որպեսզի կարողանանք ապագայում մրցակիցների նկատմամբ նկատելի առավելություն ունենալ:

Համոզված եմ, որ այս ամենը կօգնի հաջողության հասնել նրանց, ում հետ մենք արդեն համագործակցում ենք կամ համագործակցելու ենք ապագայում:

Հարգանքով՝

Տնօրեն` Դավիթ Ծովյան